साधक ते शिष्य : एक आध्यात्मिक प्रवास

Description

साधक ते शिष्य : एक आध्यात्मिक प्रवास

ISBN: 978-81-991103-1-1

“साधक ते शिष्य” ही संकल्पना जितकी सुलभ वाटते; तितकी ती गहन आहे. प्रत्येक साधकाच्या आयुष्यात कधीतरी अशी एक क्षणिक अवस्था येते की जिथे बाह्य साधनांपेक्षा अंतःप्रेरणेचे सामर्थ्य अधिक निर्णायक ठरते.

हाच क्षण ‘शिष्य’ होण्याच्या प्रवासाची पहिली पायरी असतो. या ग्रंथात त्या प्रवासाचे टप्पे स्पष्ट आणि थेट पद्धतीने मांडले आहेत. कुठेही अलंकारिक भाषेचा आडोसा न करता; केवळ सत्याच्या चिंतनातून प्रकट झालेले निष्कर्ष म्हणून शब्दबद्ध झाले आहेत.

या ग्रंथाची अंतर्ध्वनी ही आहे, की आध्यात्मिक जीवनात खरी क्रांती ही बाहेरून घडवून आणायची नसते; ती आतून प्रस्फुटित होते आणि त्या अंतःक्रांतीचा आभास, अनुभूती आणि प्रभाव जर या ग्रंथाच्या शब्दांतून वाचकापर्यंत पोचला; तर लेखकाचे कार्य सार्थक झाले असे मानावे.

‘साधक ते शिष्य’ हा प्रवास म्हणजे शब्दांचा नव्हे, तर मौनाचा मार्ग आहे आणि हे लिखाण म्हणजे समर्पणाच्या शुद्धतेतून उमटलेले, गुरुकृपेच्या अखंड झऱ्यातून प्रकटलेले आणि शिष्यत्वाच्या निर्मळ क्षितिजाकडे नेत जाणारे त्या मौनाचे निवेदन आहे.